ЁРУҒ КУНЛАР ЯҚИНЛАШМОҚДА

www.temuriylar.com

БУГУН КАЙФИЯТИМ АНЧА ЯХШИ. ЙИЛЛАР ДАВОМИДА ЮРАГИМДА БИР ҚАЙҒУ ЁТАР ЭДИ. ЎЗБЕКНИНГ МАРД ВА ИСТЕЪДОДЛИ БИР НЕЧА ФАРЗАНДИ БИР НЕЧА ЙИЛКИ МУҲОЖИРОТДА ЮРГАНИНИ ЎЙЛАБ, ТУНЛАРИ ЙИҒЛАРДИМ. УЛАРНИНГ БАЪЗИЛАРИ ЖОНДАН АЗИЗ УСТОЗИМ БЎЛСА, БАЪЗИЛАРИ ҚАЛБАН ҚАРИНДОШЛАРИМ, БАЪЗИЛАРИ ТУРТИШИБ ЎСГАН ДЎСТЛАРИМ

ЭДИ. ЎЗИМ ЗАМОНА ЗАЙЛИ БИЛАН ДУНЁНИНГ БЕШТА ҚИТЪАСИДА БЎЛДИМ. ЛЕКИН ҲЕЧ ҚАЙСИ МАМЛАКАТДА ЎН БЕШ КУНДАН ОРТИҚ ТУРОЛМАГАНМАН. ЎЗБЕКИСТОННИ СОҒИНИБ ҚОЛГАНМАН. УЛАРНИНГ БИР НЕЧА ЙИЛЛАР ДАВОМИДА ВАТАНДАН ТАШҚАРИДА ЮРГАНИНИ ЎЙЛАСАМ ЮРАГИМДА ОҒРИҚ ТУРАДИ. МЕН, ЗУЛАЙҲО ХОЖИ ОНАМНИ БИР ҲАФТА КЎРМАСАМ КЎЗИМГА ЁШ КЕЛАДИ. УЛАРНИНГ БИР НЕЧА ЙИЛЛАРДАН БУЁН ЎЗ ОТА-ОНАЛАРИДАН АЙРОЛИҚДА ЮРГАНЛАРИНИ ЎЙЛАСАМ, БЕИХТИЁР ХУДОГА ЁЛВОРА БОШЛАЙМАН: - ЭЙ, ХУДО ! ЎЗБЕКНИНГ ШУ ФАРЗАНДЛАРИНИ ҲАМ ТЕЗРОҚ ОТА-ОНАЛАРИ БИЛАН ДИЙДОР КЎРИШИШЛАРИНИ НАСИБ ҚИЛГИН !
ХУДОГА МИНГ ҚАТЛА ШУКУРКИ, БУГУН МАНА ШУНДАЙ ҚУТЛУҒ КУНЛАР ЯҚИНЛАШИБ КЕЛМОҚДА. ТЎҒРИСИ ЖАҲОНГИР МУҲАММАДДАЙ ЮКСАК САЛОҲИЯТЛИ ИНСОН, ОТАШИН ЖУРНАЛИСТ, БЎЛҒУСИ ПРЕЗИДЕНТИМИЗ ШОВКАТ МИРОМОНОВИЧ МИРЗИЁЕВГА ИШОНЧ БИЛДИРГАНЛАРИДАН БЕҲАД ҚУВОНДИМ. ДАДАХОН ХАСАНДАЙ ЎЖАР ВА ҚАЙСАР, АММО ЎТЮРАК ИНСОН ШОВКАТ МИРЗИЁЕВГА ИШОНЧ БИЛДИРГАНИДАН ҚУВОНДИМ. ИСМАТ ХУШЕВДАЙ МИЛЛАТИМИЗНИНГ ЗИЙНАТИ БЎЛГАН, ИҚТИДОРЛИ, ЧЎРТКЕСАР ВА ДОВЮРАК ҚАЛАМ СОҲИБИ ШОВКАТ МИРЗИЁЕВГА ИШОНЧ БИЛДИРГАНИДАН ҚУВОНДИМ. ПАҲЛАВОН СОДИҚДАЙ ДУНЁ МИҚЁСИДАГИ ЮКСАК САЛОҲИЯТЛИ ЖУРНАЛИСТНИНГ ШОВКАТ МИРЗИЁЕВ ҲАҚИДАГИ ХОЛИСОНА МАҚОЛАСИНИ ЎҚИБ ҚУВОНДИМ. ЎЗБЕК МАТБУОТИНИНГ ДАРҒАЛАРИДАН БЎЛГАН, УСТОЗ ЖУРНАЛИСТ, ОЛАМШУМУЛ ФИКР СОҲИБИ ШАРОФ УБАЙДУЛЛАЕВНИНГ ШОВКАТ МИРЗИЁЕВГА ИШОНЧ БИЛДИРГАНЛАРИНИ РАДИО ОРҚАЛИ ЭШИТИБ БЕНИҲОЯ ҚУВОНДИМ. МАМАДАЛИ МАҲМУДОВ, ҲАМРОҚУЛ АСҚАР, НОДИРА ҲИДОЯТОВА, БАШОРАТ ЭШОВА, ОТАБЕК ТОШЕВ, БАХТИЁР ХАСАН, МАМАЁҚУБ ҲАМРОЕВЛАРНИНГ БЎЛҒУСИ ПРЕЗИДЕНТИМИЗ ШОВКАТ МИРЗИЁЕВГА ҲАЙРИҲОХЛИКЛАРИНИ МАТБУОТ САҲИФАЛАРИДА КЎРИБ БОШИМ ОСМОНГА ЕТДИ. ДЕМАК, МИЛЛАТ БИРЛАШАЯПТИ. ДЕМАК, МИЛЛАТ ЗИЁЛИЛАРИ БИР-БИРЛАРИ САРИ БИР ҚАДАМ ОЛДИНГА ҚАДАМ ТАШЛАМОҚДА. ДЕМАК, ЯНГИ ҲАЁТ БОШЛАНИШИГА УМИД УЙҒОНМОҚДА. ДЕМАК, ЎЗБЕК ЗИЁЛИЛАРИ БИРЛАШИБ, БИР ЁҚАДАН БОШ ЧИҚАРИБ, ОНА ЮРТИМИЗ ЎЗБЕКИСТОН УЧУН, ЎЗБЕК ХАЛҚИНИНГ МАЪНАВИЙ ВА МАДАНИЙ ЮКСАЛИШИ УЧУН БЕЛ БОҒЛАШГА ТАЙЁР.
ШАРҚДА, ҚАДИМ ҚАДИМДАН ХОКИМИЯТ ВА МАЪНАВИЯТ ХОДИМЛАРИ ҲАМИША БИРГАЛИКДА ФАОЛИЯТ ЮРИТИШГАН. МАТБУОТ, АДАБИЁТ ҲЕЧҚАЧОН ХОКИМИЯТДАН АЖРАТИЛМАГАН. АДАБИЁТ, МАТБУОТ ХОКИМИЯТДАН АЖРАТИЛИБ АЛОҲИДА АЛОҲИДА МУСТАҚИЛ ФАОЛИЯТ ЮРИТИШИ КЕРАК ДЕГАН ФИКР, ҒАРБНИНГ, ҒАРБЛИКЛАРГА ХОС СИЁСАТИ. БУ БИЗНИНГ УРФ-ОДАТИМИЗГА, ДИНИМИЗГА ТЎҒРИ КЕЛМАЙДИГАН СИЁСАТ. МАШҲУР АЛЛОМА АБУ АЛИ ИБН СИНО БЕШ ЖИЛДЛИК “ТИБ ҚОНУНЛАРИ” КИТОБИНИ ПОДШОЛИКНИНГ КУТУБХОНАСИДА ЎТИРИБ ЁЗГАН. АБУЛҚОСИМ ФИРДАВСИЙ ЎЗИНИНГ УМРБОҚИЙ АСАРИ “ШОҲНОМА”НИ СУЛТОН МАҲМУД ҒАЗНАВИЙНИНГ ТОПШИРИҒИГА БИНОАН ЁЗГАН. ШЕЪРИЯТИМИЗ СУЛТОНИ МИР АЛИШЕР НАВОИЙ ДЕЯРЛИ ҲАММА АСАРИНИ СУЛТОН ҲУСАЙН БАЙҚАРО БИЛАН ЁНМА-ЁН ЯШАБ, ШОҲ САРОЙИДА ЁЗГАН.
УМИД ҚИЛАМАН ВА ИШОНАМАНКИ, БЎЛҒУСИ ПРЕЗИДЕНТИМИЗ ШОВКАТ МИРОМОНОВИЧ МИРЗИЁЕВ ИҚТИДОРЛИ, ҲАЛОЛ, МАРД ИЖОДКОРЛАРИМИЗНИ ЎЗ ЁНЛАРИГА ЧОРЛАЙДИЛАР ВА ХАЛҚИМИЗГА ФИДОКОРОНА ХИЗМАТ ҚИЛИШЛАРИ УЧУН ИМКОН ЯРАТАДИЛАР.
ЧУНКИ, ШОВКАТ МИРОМОНОВИЧ МИРЗИЁЕВ МАРД, ҲАЛОЛ ВА МЕҲНАТКАШ ИНСОН, ҚОЛАВЕРСА АДАБИЁТНИ СЕВУВЧИ, ЗИЁЛИЛАРНИ ЭЪЗОЗЛОВЧИ ИНСОН. ШОВКАТ МИРЗИЁЕВ ЎЗ ХАЛҚИНИ СЕВУВЧИ, ЎЗ ХАЛҚИНИ СЕВГАНЛАРНИ ҲАМ СЕВУВЧИ, ХАЛҚИМИЗ УЧУН ЖОНИНИ БЕРИБ ХИЗМАТ ҚИЛУВЧИ ИНСОНЛАРНИ АРДОҚЛОВЧИ, ҚАДРИГА ЕТУВЧИ ВА ЖОНАЖОН ЎЗБЕКИСТОНИМИЗНИ БУТУН ДУНЁДАГИ ТАРАҚҚИЙ ЭТГАН ДАВЛАТЛАР ҚАТОРИГА ҚЎШИШГА БЕЛ БОҒЛАГАН ВА АЛБАТТА ЎЗБЕКИСТОННИ ЭНГ БУЮК ДАВЛАТЛАРДАН БИРИГА АЙЛАНТИРАОЛАДИГАН УЛУҒ ИНСОНДИР. МЕН БУНГА ИШОНАМАН. МЕН БУ ИШДА ОЛЛОҲ ТАОЛО ШОВКАТ МИРЗИЁЕВГА МАДАДКОР БЎЛИШИНИ КЕЧА-Ю КУНДУЗ ЁЛВОРИБ СЎРАЙМАН. ШУ ЮРТНИНГ БИР ФУҚАРОСИ СИФАТИДА ШОВКАТ МИРЗИЁЕВНИ ҚЎЛЛАБ ҚУВВАТЛАШГА ҲАМИША ТАЙЁРМАН:
ТАНГРИМ, БИР ЮРАК БЕР, ОТАШ БЕР ҚАЙНОҚ,
МЕҲРУ-МУҲАББАТИМ БИЛМАСИН ПОЁН.
ШУ ЭЛНИ, ШУ ЮРТНИ АЛҚАБ БЕАДОҚ,
СЕВИБ ЯШАЙ ҲАР КУН, ҲАР ОН, ҲАРҚАЧОН !

МУҲАММАД ИСМОИЛ,
ЎЗБЕКИСТОН ЁЗУВЧИЛАР УЮШМАСИ АЪЗОСИ