Иллатлардан соф бўлсин дунё! (1)

Барча ватандошларимга мурожаатнома!

Ёмон иллатларнинг ғалаба қозониши учун зарур бўлган асосий нарса бу- яхши инсонларнинг эътиборсиз, ҳеч нарса қилмасдан қўл қовуштириб туришларидир.

Эдмонд Бёрк (1729-97)

Мен бир ёш ўқувчиман холос, Сизлардек кўплаб кўйлаклар йиртмадим, ватаним деб кўксимга урмадим, етарликча фидоийлик ҳам қилмагандирман балким...

Менинг сўзларимни бир оддий ўқувчидан, шу жумладан ўз миллат вакилингиз, ўз фикрларини изҳор этаётган бир ёшдан деб қабул қилишингизни сўрайман. Буни кўнглингизни оғритиш учун эмас балки самимий қабул қилишингиз учун ёзмоқдаман.

Ҳозир замон жуда ривожланди. Ахборотлар алмашинуви жуда тезкор. Шуни ўйлаб ҳам баъзан жуда хафа бўлиб кетаман.

Нега?

Чунки, ўтмиш даврларда бир кишининг мактуби иккинчи бирисига етиб боргунча орадан вақт ўтган, кеч етиб келган мактубнинг муҳимлик даражаси камайган, баъзан эса мактублар ўз эгасига етиб келмаган ёки душманлар томонидан ўзгартирилиб ўзгалар манфаатини ифодалашга хизмат қилган.

Буни тарихдан кўрсак Амир Темур билан бошқа ҳукмдорлар ўртасидаги ёзишмалар ҳам шу жумладандир.

Бунинг оқибатида дунёнинг бошида турган миллат ҳозирда дунёнинг оёғи остида қолиб кетди.

Замондош сайтида: Интервью

Мистер Қалампир "Рамка ва боғбон" ҳақида ( аудио )

Замондош радиоси орқали тингловчилар ҳукмига ҳавола этилаётган мавзулар турлича номлансада унда кўтарилаётган масалалар, муаммолар негизи бирдир.

Мистер Қалампир тахаллуси билан омма назарига аллақачон тушиб улгурган "Дунё овози", "Миллий бурч" деб номланган интернет нашрлари асосчиси ва бош муҳаррири шахси ва у билдираётган фикр-мулоҳазалар кўпчиликни қизиқтира бошлади.

Лаънати боғбон....

 Жиддий ханда

Бугунки ёшларни ажабга солган ҳолат шуки барча ўзини мухолифман деяётганлар бошқаларнинг гапини нотўғри дея иддао қилишларидир.

Агар айтмоқчи бўлган гапини бир секунд олдин рафиғи гапирса борми, у ҳолда айнан ўша фикрнинг хато эканлигини исботлашга уринишлар бугуннинг шўридир.

Чунки унинг фикрини биринчи бўлиб айтилиши зурур эдида...

Агар бундайларнинг суҳбатига қулоқ солсангиз уларнинг бир фикрни икки хил ҳолатда бир бирига сингдиришга уринаётганларини кўрамиз.

Бу нима?

Янгича модами?

Менимча эскилик сарқити холос!

ТОПИШМОҚНИ ТОПГАНГА БАЛЛИ...

Мистер Қалампир ҳарбий хизматда

Бир йигит армияга борибди. Хизматини ўташ даврида севгилисидан мактуб олибди. Жуда севиниб кўзларига сурибди. Аммо бир яхшининг ёмони бор деганларидек, йигит чаласавод экан. Шу билан бир қаторда бошқаларга мактубни кўрсатишга ҳам уялибди. 

Хизмат муддати тугагунча мактубни кўз қорачиғидек асрабди. 

Хизмат тугаб, йигит уйга қайтаётганида сабри чидамай йўлдаги бир одамга хатни кўрсатади. У одам ҳеч нима демай ёнидаги ўглини кўприк тагига анҳорга оқизиб юборибди. 

Йўлда келаётиб бир аёлга кўрсатса, у аёл ҳеч нима демай ўзини осибди.

Уйга бориб, онасига кўрсатса, онаси болам сени оқ қилдим кет дебди.

Севгилисига борса, сиздан кечдим сиз менга бегонасиз дебди. 

Лидерларинг ким?

Муҳлис саволи
Jamoangiz haqida aytib bering? Maqsadlaringiz va lideringiz kimligi haqida? (mani noto'g'ri tushunmang. Prosta man siz bilan aloqalarni o'rnatiw arafasidaman, shunday ekan kimlar bilan ishlayotganim haqida, maqsad va vazifalar haqida o'ylaymanki biliwga haqliman)

Жавоб(Мистер Қалампир)
Сизга тўғрисини айтаман! Лидер деган гаплар алдовчи нарсалардир. Қалбингиз лидерлик қилиши керак! Чунки, "Лидерман" деганларнинг ортидан барча кетаверса у нима деган гап, ахир?! 
Сиз эса тўғри савол бердингиз!! 

Янги китоб тўплами

"ДУНЁ ОВОЗИ" ва "МИЛЛИЙ БУРЧ" илмий-оммабоп, публицистик, демократик мустақил интернет газеталари ушбу кундан бошлаб барча миллатдошларга шуни маълум қиладики, барчанинг орзу умидлари қандай бўлишидан қатъий назар ушбу "УМИД ЮЛДУЗИ" номли китобига  ўз фикр ва мулоҳазалари билан мурожаат этишлари сўралади.

Умид қиламизки, халқ оғзаки ижодига айланиб кетиши кутилаётган ушбу китоб асрлар давомида барча келажак авлодга уларнинг тарихини очиқ ва ойдин тасвирлаб бера оладиган донолар китоби бўлиб қолади.

Бу каби китоб тарихда ягона бўлиб миллионлаб йиллар умр кўради деган орзудамиз.

"МИЛЛИЙ БУРЧ" таҳририяти

  

Ўксиклик

Ҳаётим қисмати кўнглимни ўйнар,
Оҳларим баъзида забуним тирнар,
Йиғлаган кўнглимда зорларим куйлар,
Қалбимда оташин ўксиклик бўйлар,
Савдолар ёзиқмиш, нетай...

Мистер Қалампир
2013

Акциями ёки аския?

1. Доимий тарзда турли хил акцияларнинг бўлиб туришига кўниккан намойишчилар бугунки кунда ўз изчиллиги ва ғайритабиийлиги билан барчани лол қолдиран  "Каримов кет!" номи остида акция  олиб боришмоқда. Ажабтовур акция иштирокчилар томонидан жуда яхши қўллаб қувватланмоқда.

Ўзига бўлган нафратнинг шунчалар эканлигини тушуниб етган Каримовга инсоф кириб,  уни бир зумда қолмасдан тахтни бўшатишини истаётганларга нисбатан илтимос билан чиққан ва тахтни бўшатиб кетиш учун бироз муҳлат сўраган.

Таҳлилчи сиёсатчиларнинг фикрига кўра рўзғор юритишда бирламчи зарур бўлган анжомларни тайёрлаши учун Каримовга атиги 30-35 йиллар зарур экан.

Меҳрибон Ўзбек халқи ўз фарзандини кийимсиз ва рўзғор буюмларисиз алоҳида хўжалик қилиб қўймайдику ахир!!!

THE NEXT GENERATION???

Азиз ёшлар, дўстлар ва тенгдошлар!

Афрофга назар ташлар экансиз, бугунки ёшларнинг нечоғли билимдон ва зукко эканликларининг гувоҳи бўласиз.

Ҳар бир ёш қалбнинг ўз орзу умидлари бор, танлаган йўллари бор.

Мен эса бир савол қийнамоқда...

Биз Ўзбекистон ёшларининг кийиниш одоблари ҳақидаги муаммолар.

Замон ўзгарар экан жамият ҳам унга мослашиб бораверади ҳамда янгиликларни ўзи ва ҳаётига киритиб боради, аммо ўзлик ва қадриятларнинг йўқотилиши қанчалар оқибатларга олиб келишини кўпчилик эътиборсиз қолдирмоқда.

Жумладан ҳижоб кийиш ва баъзи ёшларнинг ўзига мос бўлмаган яъни "келажак" кийимлари бирмунча буюк бурилишлар яратмоқда!

Бугунки ёшлар қандай бўлиши керак деб ўйлайсизлар?

-------------------------------------------------

Қўшимча маълумот учун: http://www.dunyoovozi.blogspot.ru/2013/01/blog-post_3836.html

 

ёки 

http://www.dunyoovozi2.blogspot.ru/2013/01/blog-post_3836.html

Mister Qalampir

"ЁШЛАР ЎЗИНГИЗНИ АСРАНГ!" ХАЛҚАРО АКЦИЯСИ

Бизда ҳаммаси зўр!

Жиддий ханда

Модалар оламига моддалар оламини ўйлаб, шошилиб бораётган Гулнора Каримовани бир шошқалоқ муҳбир йўлини тўсиб Гулноранинг бурнига ўз микрафонини тираб савол сўраб қолибди.

Мухбир:- Ўзбекистонда фикр ва сўз эркинлиги борми?

Гугуша: Бор, албатта!

Мухбир:- Нега бирор киши ўз фикрини кўтариб чиқмайди ва барча жим?


Гугуша:- Ўзбекларда сукут аломати ризо дейишади. Улар ўз фикрлари ва сўзларини ифодалашда қарсак ва бош силкиш, қўл қовуштириш каби миллий урф одатларимиздан бўлмиш имо ишоралардан фойдаланишади. Бор гап шу! Тўхта... Ким айтди сенга сўз эркинлиги йўқ деб-а?

Мистер Қалампир

Фикр эркинлиги ва сўз эркинлиги!

Атрофга зимдан қарасангиз катталар гапирган ва ёшлар эшитаётган манзараларни кўрасиз.

Қачон ёшлар гапиради деган савол цўйилса, улар катта бўлганда гапирадилар деган жавоб бор холос!

Чунки ёшларни кўз қорачиғидек асраётган катталаримиз қайсидир маънода шу ёшларни бир томондар олиб қараганда сўз эркинлиги ва фикр эркинлигидан ҳам асрашмоқда.

Тўғри, ёшларни асраш керак!

Лекин уларни қачонгача асраш мумкин?!

Уларга сўзлаш ва фикрлаш эркинлигини қачон берамиз?

Катта бўлишгандами?

У вақтга қадар ўз фикрини ифодалашда бировдан тасдиқ кутадиган ва қўлини кўксига қўйиб хато фикрларни гапиргани учун катталар олдиа мум тишлаб турадиган кишилар бўлиб қолишмайдими?

Майли кутамиз!

Мистер Қалампир

"Ёшлар ўзингизни асранг!" халқаро акцияси

"ЁШЛАР ЎЗИНГИЗНИ АСРАНГ!" ХАЛҚАРО АКЦИЯСИ

Ҳурматли азиз ёшлар ва қадрдонлар!
Замоннинг ва тузумнинг турли томонларга оғиши қайси бир ҳолда иккиланишларга олиб келишини кўрмоқдамиз. Буларнинг бари хом хаёлдир. Лекин соғликни асраш бу келажак авлодни асраш бўлса, таълимни асраш ва уни ривожлантириш -бу келажакка йўлдир.
Ўзингизни асранг ва билим олишдан бир зум чекинманг!
Қолган гаплар бир пул!
Бировнинг фикрига қул бўлиб қолмаслик учун ўз фикр ва мулоҳазангиз ва айниқса қалбингизга кўра қарор чиқаринг ва амал қилинг.
Қандайдир диний оқимлар- бу ҳозирда ёшларни чалғитадиган нарсалардир холос!

Кўрсатасиз?...., нимани?.....

Анонимный30 января 2013 г., 18:22

Сен бола узингни босвол. Кусатиб қуямиз ҳали 

------------------------------------------------

Кулгули угроза. Шундайми?

Майли бу жонажон муҳлислар соғ бўлишсин.

Буни қандай тушунишим керак энди?

Бугунки кунда тобора ёмонлашиб бораётган ҳаётимизни қандай изоҳлар экан мана шу сўзларни ёзган кимса?. Балки унинг уйида болалари иссиқ овқатни мазза қилиб ейишаётгандир... Албатта бу овқатларда бир неча тўғрам гўшт бўлиши аниқ. Лекин бугунки кунда Ўзбекистонинг кўплаб хонадонларида овқатига гўшт солинармикин? Сиз ҳар куни уйга қайтганингизда бошқа хонадондаги балки қўшнингиздир, унинг болалари чет элларга пул топиш илинжида кетиб қолган ота ва оналари кутишмаяптими? Тўғри чет элга бориб ишлаш сабабли уларнинг ёвғон овқатига бироз маза кирди. Аммо аслида тирик етимдан фарқи бормикин уларнинг?

Мақсадга мувофиқ бўлмаган саволлар...

Shavkat Mirziyoev

April 14, 2012

Hurmatli yurtdoshlar! Kunning ushbu qismida ushbu ijtimoiy tarmoqdan foydalanuvchilar sonining katta qismi faol bo'lganliklari uchun bugun 22:30 da Bosh vazir Shavkat Mirziyoev sizlarning online muloqotga taklif etadi. Savollaringiz bo'lsa, murojaat qilishingiz mumkin. Muloqotning boshlanishiga 25 daqiqa qoldi.

Javob berilmagan savollar maqsadga muvofiq savollar emas deb topiladi.

--------------------------------------------------------------------------------------

Мана бу эълонни Шавкат Мирзиёев номига очилган Фейсбукдан ўқиб қолдим.

Тўғри! Иш жараёни кўрилар экан баъзи бир саволларга жавоб беришга вақт масаласида муаммо бўлиши мумкин.

Аммо ўша саволлар қанақа эканки бунақанги саволларни мақсадга мувофиқ эмас деб топилиши мумкин бўлса?!

 Гарчи думини ликкиллатиб турган ҳокимлардан қанақа саволлар чиқиши барчага аён!