Мексикада тўққиз ёшли қиз она бўлди

Мексикада 9 ёшли қиз соғлом фарзандни дунёга келтирди. Чақалоқнинг вазни 2,7 килограмм, бўйи 50 сантиметр. Туғруқ Халиско штатининг Сапопан шаҳридаги клиникада амалга оширилди.

Айни дамда она ҳам, чақалоқ ҳам ўзини яхши ҳис қилмоқда. Аслида туғруқ январ ойида рўй берганди, аммо бу ҳақда энди маълум қилинди.Ҳозирда ушбу ҳолат юзасидан хуқуқ тартибот органлари текширув олиб бормоқда. Халиско прокуратурасидан маълум қилишларича, балоғатга етмаган қиз зўравонлик қурбони бўлган бўлиши мумкин. Дастлабки маълумотларга кўра, туғилган боланинг отаси 17 ёшли ўспирин йигит бўлиб, айни дамда у полиция томонидан қидирилмоқда.