Россиянинг Самара шаҳри яқиндаги Волгабўйи давлат қурол-аслаҳа синовлари полигонидаги портлашлар натижасида жабрланган сони 12 кишига етди, бир киши эса ҳалок бўлган. Бу ҳақда, Россия Фавқулодда вазиятлар вазирлигига асосланиб, CA-News хабар бермоқда.
19 июнь куни Самара вилоятидаги полигонда, техник носозлик натижасида, очиқ майдондаги ҳарбий снарядлар портлаб кетган. «Газета.uz»нинг «РИА Новости»га асосланиб тарқатган хабарига кўра, 34 киши жабрланган, 5 киши снаряд парчасидан етган яралар билан шифохонага ётқизилган, полигон яқинидаги
Нагорний қишлоғидан 6000 киши хавфсиз жойга кўчирилган.
CA-News’нинг ёзишича, жабрланганлардан уч нафари – кичик ёшдаги болалардир. «Тиббий ёрдам сўраб 42 киши мурожаат қилган, улардан 12 нафари, жумладан, уч нафар болакай турли даражадаги тан жароҳатлари билан шифохонага ётқизилган», – деди Россия ФВВ вакили.
ФВВ вакилининг қўшимча қилишича, бахтсиз ҳодиса туфайли бир киши – 1983 йилда туғилган, Самара шаҳрида вақтинча рўйхатда турган Ўзбекистон фуқароси ҳалок бўлган. Бу борада бошқа қўшимча маълумотлар келтирилмаган.
Мутахассисларнинг ҳисоб-китобларига кўра, портлашлар яқин бир-икки кун давом этиши мумкин.
Комментариев нет:
Отправить комментарий