Баҳодир Бекхўжаев Наманган шаҳар ҳокими этиб тайинланди.

Шу йилнинг 4 июн куни Наманган вилояти ҳокимлигида халқ депутатлари вилоят кенгашининг навбатдан ташқари 17 сессияси бўлиб ўтди.Сессия кун тартибига битта, яъни вилоят ҳокимининг капитал қурилиш, коммуникациялар, коммунал хўжалик ва ободонлаштириш масалалари бўйича ўринбосари лавозимига тайинлаш масаласи кўриб чиқилди. Бу ҳақда вилоят ҳокимлиги матбуот хизмати хабар берган. 

Сессия ишини вилоят ҳокими Б. Юсупов олиб борди.  Йиғилишда шу кунга қадар Наманган шаҳар ҳокими лавозимида ишлаб келган Дадабоев Тўлқин Тулянович вилоят ҳокими ўринбосари этиб тайинланди.

Шунингдек, 4 июн куни халқ депутатлари Наманган шаҳар кенгашининг навбатдан ташқари сессияси ҳам бўлиб ўтди. Сессия ишида ташкилий масала кўрилди. Наманган тумани ҳокимининг биринчи ўринбосари лавозимида фаолият кўрсатиб келаётган Баҳодир Бекхўжаев Наманган шаҳар ҳокими этиб тайинланди.