Ўзбекона ўғирланмаган келин (3)

(қонуний хотин учун жавобгарликка тортилиш)
Абдураҳим уйига шишиларкан телефонни бир неча маротаба ҳақоратлади.
Унинг аслида камчилик бўлиб кўринган бу ҳислати ажойиб эди.
Бу дунёда бирор бир хатолик бўлса ўз ёрини ҳақоратлайдиганлар тўлиб тошиб ётибди.
Мамлакатда биринчи қор ёғаётган эди.
Жуда оппоқ.
Абдураҳимнинг кўнгли каби оппоқ!
Аммо шу онда оппоқ кўнгилда шайтон ўрнашиб олган, ўзининг қора фикрлари билан соддадил қалбни эзиб юбораётган эди.
Негадир оёғи оғирлашиб чалишиб кетди ва юзтубан йиқилиб тушди.
Қўлидаги сарполар оппоқ қор билан бурканди.
Ўрнидан қўзғалиб атрофда сочилиб ётган кийимларни йиғиштириб олди.
Шокир билан Шавкатга хайр ҳам демадими?....
Фикрлари аралашиб кетди.
Шокирнинг ҳикояси унинг қалбини тилка пора қила бошлади.
Рашк....
У олдин рашк қилмасдими ёки бунга эътибор бермаганмидики бугун жуда асабийлашиб рашк ўтида ёна бошлади.
Кўз олди қоронғилашиб кетди.
Асаблари чарчай бошлади.
Йўлнинг ярмини босиб ўтибди.
Нега такси тўхтатмади?
Шунча йўлни пиёда босиб ўтдими?
Мана такси ҳам кўринди.
Уйга етиб эшикни очишга улгурмай ёрини қидира бошлади.
-"Асал".....
Эшикни очиб не кўз билан кўрсинки.........
Кўзидан секин аста томчилар оқа бошлади.

Асал келинчакларга хос бўлган кийимларда келин салом қиларди.
Абдураҳим энди эътибор бера бошлади.
Уй кўзига жуда файзли кўриниб кетди.
Меҳмон ҳам борми....
Асал қўшни аёлга таъзимини тугатиб энди Абдураҳимга ҳам таъзим қила бошлади.
Жуда ажойиб кун бўлдида.
Бир ўлиб бир тирилиш қанчалар азоб.
Ҳайит сабаб келинчакнинг кемтик кўнгли тўлган, уни қаршилаган биринчи ҳайитда келин саломга муносиб бўлди.
Дастурхон ҳам ажойиб безатилган.
Асалнинг пазанда эканлиги бугун жуда иш бергандида.
Қўшни аёл ўзбекларнинг бу каби удумларига жуда қизиқсиниб қолди.
Ишлар билан овора бўлишиб ошхонада асалнинг қўл телефони қолиб кетганини икки аёлнинг қизиқарли суҳбати мобайнида ҳеч қайсиси ҳам эсламаган экан.
Қўшни аёл қўлидаги видео камерага бундай бахтли онларни муҳрлаш билан овора.
Абдураҳим Ўзбекистонда шундай тадбирларни ташкиллаштиришни орзу қиларни.
Начора қисмат шундай экан.
Кечки овқат жуда мазали ва суҳбатлар эса унданда мазали бўлди.
Қўшни аёл икки ёшни муборак ҳайит айёми билан такрор ва такрор табриклашдан чарчамасди.
Уларнинг қувончларини ота оналари кўрганларида эди....
Уйга телефон қилиш керак.
Уйдан эса сас йўқ!
Ҳеч ким икки ёшни байрам билан табриклаб СМС ҳам юбормаган эди.
Ҳеч ким буларни эсламади чоғи.
Абдураҳим бугунки қутлуқ айём билан уйдагиларини табриклаш кераклигини эсидан чиқариб қўйганидан ўзидан хафа бўла бошлади.
Абдураҳимнинг кўнгли хижил бўлиб уйга телефон қилишга ботинди.
Абдураҳимнинг дадаси кўпни кўрган зиёли инсон эди.
Ўғлидан хафа бўлган бўлсада, уларга телефон орқали оқ фотиҳа берган эди. Уйга қайтишни сўраганди.
Ёшлик-бебошлик.....
Мана телефонда отасининг овози эшитилди.
Қувончли сўзлашувлар.
Барча бир бирини табриклади.
Онаси билан ҳам суҳбатлашди.
Келин ҳам телефон орқали таъзимини изҳор айлади.
Суҳбатнинг сўнгида келиннинг оиласи байрам баҳонасида тўпланишиб Абдураҳимнинг отасига бир неча талабларни қўйишгани,  талаблар бажарилмаса ўғли учун отани жавобгарликка тортилишини таҳдид қилишгани асабни эговлаб юборганди.
Онайизор бўлса икки ёшни уйга қайтишини сўраб кўзидан ёшлар оқизди.
Буни кўриб отанинг қалби чилпарчин бўлди ва гапнинг қолганини эртага гаплашишини айтиб алоқани узиб қўйди.
Бу вақтда Шокир эса эртанги кунга атаб латифалар рўйхатини туза бошлади.
Биринчи айтадигани Абдураҳимнинг ўз қонуний хотинини олиб қочганлиги ҳақида бўлади. Бир боплаб ҳазил қилсин...

(давоми бор)

Мистер Қалампир. Австрия 2012