Юсуф ота ўлими яқинлашганини сездими болаларини олдига чорлади.
Барча фарзандлар жамулжам бўлишди.
Юсув ота бирма бир фарзандларига термуларкан, аёлининг вақтли қазо қилгани у учун катта йўқотиш бўлганини яна бир бор эслаб оғир сукунатга чўмди.
Фарзандлар отанинг нима демоқчи эканлигини билиши учун унга термулиб қолишган эди. Барчадан бирор сас чиқмас эди.
Сукунат....
Юсуф ота катта қизи адолатга жовдираган кўзларини тикиб узоқ термулди ва ичидаги алам аралаш насиҳат ва васиятини сўзлай кетди.
Адолат қизим, онанг билан мен имкон борича сенга тарбия ва таълим бердик. Онангнинг умри қисқа экан сенларнинг тўйларингни кўролмай кетди. Энди бўлса менга ҳам шундай
қисмат борга ўхшайди. Сени уйли жойли бўлдинг аммо мана шу икки уканг ва синглинг Асалнинг тақдирига бефарқ бўлма. Уларга ҳам ота ҳамда она бўлгин. Етим бошларини сила. Кўзларидан ёш оқишига йўл қўйма! Сенинг исмингни Адолат деб яхши ният билан қўйганмиз. Шунга муносиб бўлиб ука сингилга адолатли бўл.
Адолат кўзларида ёши билан отанинг насиҳатига амал қилган ҳолда миллионлаб ваъдаларни қаторлаштириб ташлади.
Ука сингиллар эса ёлғиз қолмасликларни англаб кўнгиллари хотиржам бўлди.
Юсуф отанинг дунёдан ўтганини эшитиб барча қариндош ва яқинлар тўпланишди.
Маросимлар тугагач Адолат барчага ғамхурлик қила бошлади.
Укаларига ҳунармадликка хос бўлган ишларни топиб берди. Сингли Асал бўлса жуда ёш бўлгани сабаб уй ишларига қарашиб туришини тайинлади.
Адолатнинг ишлари юришгандан юришиб кетди.
Бир икки ҳовли ва қатор қатор машиналар.
Биринчи турмуши ота онасининг тириклигида бузилган эди. Иккичи турмуши эса жуда мароқли бўлди.
Ишлари кўпайган кўпайди. Пуллар эса оқиб кела бошлади.
Фарзандлари улғайди. Уларни уйли жойли қилишга кириша бошлади.
Фарзанлар тарбияси билан бўлиб укалари ва сингли бора бора унитила борди.
Укалар мардикор ҳунармандларга, синглиси Асал эса Адолатхон янглиғ маликанинг уйдаги чўрисига айланиб қолди.
Адолат укаларининг уйланиш даври ўтиб бораётганлиги ва синглиси Асалнинг бўйи етиб ёши 23 га кирганини ўз болаларига бўлган муносабатлари туфайли сезмай ҳам қолди.
Адолат ўз болаларини турмушини ўйлаб 18 ёшли ўғлини уйлантирб қўйди. Қизи ҳам бироз кўзга кўриниб уйига совчилар кела бошлаганди.
Икки уканинг тақдирини уларниг ўзларига ташлаб қўйди.
Ўғлининг тўйи жуда ҳашаматли бўлди.
Агарда оддий қилиб айтганда шу тўйга сарфланган пулларни тенг икки бўлганда икки укасига кичикроқ бўлсада яшаш учун квартира сотиб олиш мумкин бўларди.
Манманлик ва катта давралар Адолатнинг кўзини ёз босишига олиб келганди.
Энди унга ўз ҳаёти қизиқ бўлганди. Бошқаси билан нима иши бор...
Иккинчи эрининг хотини бўлсада иккинчи хотин бўлиб унга эришди. Бирор киши бирор нарса қила олдими? Йўқ!
Ахир ота онаси уни биринчи турмушига узатганларида севган ёри қолиб бошқасига тегишга мажбур бўлганди. Ҳаёт экан мана ўз севганига иккинчи хотин бўлишга ҳам рози бўлди.
Кунлар эса ўтиб борарди.
Абдураҳим қўли гул ҳунарли йигит бўлсада Адолатга унинг камбағаллиги ҳалақит бераётган эди.
Ахир ўзи билан ишлайдиган ҳамкасблари бой бадавлат эдида.
Улар билан таққослаганда Абдураҳим ким бўлибди?!
Абдураҳимнинг севгиси ҳақида эшитгинида жуда таажжубга тушганди.
Севги ўтиб кетади дея синглиси Асалга ҳам "уқтириб" бўлганди.
Севги ўз номи билан севги экан.
Абдураҳим укаларининг шогирди эди.
Укалари Абдураҳимни жуда ҳурмат қилишар ва унинг қариндош бўлиш учун қилаётган ҳаракатига бироз розилик бергандилар.
Маликаи олами мунавварлари эса нима қилишни ўзи ҳал қилишини айтиб уларга менсимайгина жавоблар бера қолди.
Икки ёшнинг қочиб кетиши унинг учун катта зарба бўлди.
Унинг обрўси баланд эди.
Унинг номи оламга таралган эди.
Энди синглиси қочиб кетганлиги сабаб унинг қизига ҳам маломат тошлари отилиши турган гап....
Абдураҳимнинг ота онасини сиқувга ола бошлади.
Абдураҳим ота онасидан оқ фотиҳа олганлиги бу масалада Адолатнинг тарозисини тош босмаслигига олиб келди.
Нима қилиб бўлсада аламини олиш керак. Ҳали барчага кўрсатиб қўяди.
Загс бўлимига боради.
Абдураҳимни етаклаб уйига олиб келган укаларининг қонини ичиб ташлайди.
Бор имкониятини ишга солади.
Унинг кимлигини ҳали билишмас экан булар....
Загс бўлимида унинг қичқириғига жавобан ўзини босиб олишини маслаҳат беришди.
Адолат эса ғазабланиб, нега ёшларнинг ота оналаридан сўроқсиз уларни никоҳдан ўтказганликларини ва бу учун жавоб беришларини пўписа қила бошлади.
Загс бўлмидагилар ёшларнинг балоғат ёшида эканлигини ва бу учун қонунга кўра қилинган ишлар асосли эканлигини тушунтиришди.
Адолат яна ғазаб отига минар экан, никоҳ уйи ходимлари унга қонунчилик асосида тушунтириш ишларини олиб боришди. Тинчланмаса, у ҳолда милиция чаришларини айтишди.
Адолат эса йиғлаб загс бўлимидан қиқиб кетаркан зинага суяенган ҳолда йиғлаб юборди.
Абдураҳим унинг олдидан ўтган эдия....
Ўшанда рози бўлса бўларкан...
Лекин алами ҳам тарқамаган эди.
Келинга гувоҳлик берган Руҳшонани уйига бориб унинг расвосини чиқаради.
Яширинча қилинган ишларда унинг қўли борлиги учун бир жазоласин. Унда кўради Руҳшонага ким уйланар экан....
(Давоми бор)
Мистер Қалампир. Австрия 2012
Комментариев нет:
Отправить комментарий