Энг Сунги Ёлгон Янгилик..........

Банкларимиз барқарорлиги ошмоқда

Энг

Пойтахтимизда Ўзбекистон Республикаси Марказий банки ва “Мoody’s” халқаро рейтинг агентлиги ҳамкорлигида молия-банк тизимини халқаро рейтинг компаниялари томонидан қўлланиладиган мезонлар асосида баҳолаш ва таҳлил қилиш масалаларига бағишланган конференция ўтказилди.

Тадбирда Ўзбекистон Иқтисодиёт вазирлиги, Марказий банк, Банклар ассоциацияси мутасаддилари, тижорат банклари мутахассислари иштирок этди.

Ўзбекистон Республикаси Марказий банки раиси ўринбосари Ш.Ҳайдаров, Банклар ассоциацияси раиси С.Абдуллаев ва бошқалар мамлакатимизда қулай бизнес муҳитини шакллантириш, кичик бизнес ва хусусий тадбиркорликни ривожлантиришда молия муассасалари муҳим ўрин тутишини таъкидлади.

Президентимиз Ислом Каримовнинг 2010 йил 26 ноябрда қабул қилинган «2011-2015 йилларда республика молия-банк тизимини янада ислоҳ қилиш ва барқарорлигини ошириш ҳамда юқори халқаро рейтинг кўрсаткичларига эришишнинг устувор йўналишлари тўғрисида»ги қарори банкларимизнинг ишончлилигини таъминлашда муҳим дастуриламал бўлаётир.

“Мoody’s” халқаро рейтинг агентлигининг вице-президенти М.Корвин Ўзбекистонда банк тизими кўрсаткичлари динамикаси барқарорлиги, активлар сифати, банклар капиталининг етарлилиги, ликвидлик даражаси юқорилиги, ташқи қарздорликнинг камлиги глобал хатарлар таъсирини пасайтиришга хизмат қилаётганини таъкидлади.

Хусусан, 2010 йилда мамлакатимизнинг 13 тижорат банки нуфузли халқаро рейтинг компанияларининг "барқарор" рейтинг баҳосини олган бўлса, бугунги кунда уларнинг сони 28 тага етди.

Очиқ мулоқот тарзида ўтказилган анжуманда”Мoody’s” халқаро рейтинг агентлиги экспертлари Ўзбекистон банк тизимининг яқин истиқболдаги ривожини ижобий баҳолади. Анжуман иштирокчилари жаҳон молиявий инқирози оқибатлари эътиборга олинган ҳолда банкларга рейтинг баҳолари тақдим этишнинг янгиланган мезонлари, суверен рейтингларнинг аҳамияти, молиявий таваккалчиликларни бошқариш йўналишидаги халқаро стандартлар бўйича фикр алмашдилар.