Жорий йилнинг 11 декабрида Ўзбекистон Вазирлар Маҳкамаси Инсон ҳуқуқлари бўйича миллий марказнинг давлат томонидан қўллаб-қувватланиши тўғрисида қарор қабул қилди. Қарорга мувофиқ марказни мебель ва идора анжомлари, компьютер ва ташкилий техника, иккита автомобиль («Малибу» ва «Ласетти») билан таъминлаш мақсадида 309 миллион сўм ажратиладиган бўлди. Ҳукуматнинг бундай ҳиммати марказ раиси Акмал Саидовнинг яқинда Женеведа уюштирган бақир-чақири учун миннатдорчилик бўлса ажаб эмас. Эсингизда бўлса, 29 октябрь куни БМТ Инсон ҳуқуқлари бўйича Олий комиссарлиги идораси ҳузуридаги Қийноқларга қарши қўмитада Ўзбекистон делегацияси билан мулоқот бўлиб ўтган эди. Ўшанда БМТ экспертларининг жиддий саволларига жавоб беролмаган делегация раҳбари Акмал Саидов бақир-чақир ва столни муштлаш орқали ҳукумат сиëсатини ҳимоя қилишга уринганди.
Manbaa: http://uz.ca-news.org/news:23565/#sthash.yq331PLA.dpuf
Комментариев нет:
Отправить комментарий