Ўзбекистонни Исломий қиламан деб уриниш эса утопиядан бўлак ҳеч нарса эмас

www.milliyburch.com

Тулкин Караев

Ҳамюртлар, сизни безовта қилиш, оромона уйқунгиздан уйғотиш қийин эканлигини билардим, аммо бу мутлоқ имконсиз деб сира ўйламаганман. Шунинг учун булса керак, кўп уринишлар қилдим, лекин ҳаммаси бефойда кетди. Камина сизларни келгусида сиёсий кураш майдонига таклиф қилмоқчи эмасман ва бу беҳуда уринишга чек қўяман. Қайтанга менинг ўзимни ҳақоратламаслигингиз учун. Сиз майда, майда бўларларга бўлингансиз ва ҳар бирингиз бошқа бировингизни душман деб биласиз. Яқинда мен билан бир гуруҳ уламолар пачакилашишди ва улар
ютиб чиқишди. Мен мағлубман!

"Уламолар", биринг7из хизбутчи, бошқа бирингиз таблиғчи, яна кимдир ваҳобий, аммо қўлингиздан нима келаяпти? Айниқса Ўзбекистонда қолаётган аҳоли билиши керакки, сиз ўз сафингизга кириб келганлар қамалиб кетсада, уларнинг жонларига ҳам оро кира олмаяпсиз. Ўзингизни ҳам, бошқаларни ҳам алдаб қўйиш билангина чекланасиз? "Оллоҳ жаннатни ато этади". Бу билан у шўрликнинг аёли, болалари хурсанд бўладими? Масаланинг мана бу томони сизни ташвишга солмайди. Нариси билан моддий ёрдам кўрсатарсиз балки, лекин бу ёрдамингиз ўлган одамни қайтармайдику.

Азизлар, сиз демоктарияни куфр, ҳаром деб билганингиз ҳолда, демократик мамлакатларга томон интиласиз, бундай юртни тарк этишни ҳам хоҳламайсиз! Қани сизнинг принципингиз? Швецида ўзбекларнинг, баъзи ҳолларда мусулмонларнинг болаларини ҳам олиб қўйишди ва бу ҳол ҳали тўхтагани йўқ! Бирор сўз ҳам айта олмадингиз ва мана ўзингиз куфр деб билган демократик мамлакатда "ёмон отлиқ" бўлиб қолишликдан қўрқдингиз! Ёлғонми бу сўзим?

Мана шу тарқоқлик, эл бўлиб бирлаша олмаслик ва ўзаро душманликлар боис бу миллатнинг бағри қон бўлиб яшамоқда. Лекин сиз бунга бепарвосиз! Нафақат ўзини мусулмон атайдиганлар, ҳаттоки демократлар орасида аҳвол шу!

Ким билсин, балки қўлни ювиб қўлтиққа урмоқлик яхшидир! Ўйлаб кўриш керак буни. Ўзбекистонни Исломий қиламан деб уриниш эса утопиядан бўлак ҳеч нарса эмас. Эътибор беринг, атрофингиздаги исломий ташкилотларнинг қай биригани олиб қараманг, улар Англияда ёки АҚШ да, жуда бўлмаса Исроилда тузилган. Бу дегани шуки, сиз айни ўша мамлакатларнинг жосуслик бошқармалари қизиқишларини амалга оширмоқдасиз!

Фикр қилинг ва бирор қарорга келинг. Менга эса ақл ҳам ўргатманг, инсофга "чақиришга" ҳам уринманг. Камина исломофоб ҳам эмасман, сиз айтганингиздек кофир ҳам эмасман.

Айниқса Ўзбекистондаги аҳоли тушуниб етиши керакки, йигитларни турмаларга тушиб чиришига сабабчи бўлаётган бу гуруҳ вакиллари чет элларда ўз оромлари билан яшашмоқда. Амалга ошмайдиган мафкура учун жон фидо қилмоқ керак эмас. Аччиқ бўлсада, бу сўзларни келтирдим, келгусида ўзбек мусулмонларининг дарди менинг дардим бўлмаслигига ҳаракат қиламан. Билмадим, буни уддалай олармиканман.