Алишер Усмонов Apple’нинг 100 миллион долларлик акцияларини сотиб олди

Алишер Усмонов Apple’нинг 100 миллион долларлик акцияларини сотиб олди

Алишер Усмонов © millionaire.ru

 

Энг бадавлат россиялик – Алишер Усмонов Apple акциялари учун 100 миллион доллар сарфлади. Бу ҳақда у Bloomberg ахборот агентлигига берган интервьюсида маълум қилди.
Ишбилармон акцияларни қачон сотиб олганига аниқлик киритмаган, бироқ, компаниянинг қиймати 100 миллиард долларга арзонлашганидан сўнг, Apple’нинг қимматли қоғозларини сотиб олиш яхши фурсат келганини қайд этиб ўтган. Усмоновнинг қайд этишича, у iPhone ишлаб чиқарувчисининг капитализацияси яна ошишини кутмоқда. «Кейинги уч йил давомида Apple жуда катта истиқболга эга эканлиги мен ишонаман», – деди миллиардер.
Apple акциялари нархи сўнгги бир неча ой давомида сезиларли арзонлашди. 2012 йилнинг сентябрида технологик компанияниннг қимматли қоғозлари 700 доллардан баҳоланаётган эди. Апрелнинг ўрталарида эса котировкалар, 2011 йилнинг декабридан бери биринчи марта, 400 доллардан ҳам пастга тушиб кетди. 29 апрель куни бўлиб ўтган савдолар ёпилиши чоғида Apple акцияларининг донаси 430 доллардан баҳоланаётган эди.
Технологик гигантнинг акциялари бозордаги бошқа рақобатчилар, жумладан, Android базасидаги қурилмаларни ишлаб чиқаришни ривожлантираётган компаниялари қимматлари қоғозлари фонида арзон кўринади.
2013 йилнинг биринчи чорак якунларига кўра, Apple сўнгги ўн йилда биринчи марта даромади камайгани ҳақида ҳисобот берди. Компания ҳисобот даврида 9,55 миллиард ишлаб топган бўлиб, ўтган йилнинг худди шу даврида бу кўрсаткич 11,6 миллиардга тенг эди.