Машина ўғирлаб кетилган ....кимни иши бу ииб ми ёки мхх-ми

Жума намози вақтида машина “Ўғирланган”
Ўзбекистонда ички ишлар тизими ходимлари томонидан мусулмон тақвадорларни намоз ўқишдан бездиришнинг янги усулларига ўтишди. Жума намози вақтида ибодатни адо этишга масжидга кириб кетган кишиларнинг машиналаридан давлат рақамлари ечиб олиняпти. Жума намозидан чиққан кишилар машиналари рақамларини излаб ички ишлар йўл ҳаракати хавфсизлик хизмати бўлимларининг ходимлари ортидан сарсон – саргардон бўлиб, қўлларига жумалик “садақа” тутқазиб қайтариб олишга мажбурдирлар.
Бугун Андижоннинг Хортум қишлоқ жомъе масжидида жума намозини адо этаётган бир қанча тақвадорларнинг “Дамас”, “Нексия” ва бошқа машиналарининг давлат рақамини Андижон тумани ИИБ йўл ҳаракати хавфсизлик хизмати ходимлари томонидан чиқариб олиб кетилгани ҳақида хабар олинди. Жума намозидан чиққан фуқаро, такси ҳайдовчиси Нажмиддин Отабоевнинг эса “Нексия” русумли, давлат рақами 60/048 ТТС бўлган, аҳолига транспорт хизмати кўрсатишга ихтисослашган “Бахти бор” масъулияти чекланган жамиятга қарашли автомашинаси жойидан ғойиб бўлган. Фуқароларнинг бизга йўллаган хабарларига қараганда, машинада такси ҳайдовчиси Н.Отабоевнинг жамғарган икки миллион сўм маблағи ва транспортга ҳамда ўзига тегишли ҳужжатлари ҳам бўлган. Мусулмонлик ибодатини ўташ учун масжидга кириш пайтида тақвадор автомашинанинг ичкарисида калитларини қолдиргану эшикларнинг барчасини электрон пульт орқали беркитган экан. Машина ўғирлаб кетилганидан гумон қилиб қўрқиб кетган Нажмиддин Отабоев зудлик билан Андижоннинг Боғишамол даҳасидаги ИИБ йўл ҳаракати хавфсизлиги бўлимига мурожаат қилган. У ерда кўкрагига 0100 рақамли хизмат нишонини тақиб олган, ўзини Ғозиевми ёки Рўзиевми дея таништирган ички ишлар ходими унинг устидан масхаралаб, “Машинангни биров миниб кетган” дея фуқаронинг устидан кулиб ўйнаган. Ким ва нимага миниб кетади, деган саволларига жавоб қайтармасдан кибр билан тескари ўгирилиб тураверган. Сўнг чўнтагидан машина калитларини чиқариб кўз-кўз қилган. Машина қаерда эканлигини сўраган фуқарога лом-мим демаган.
Нажмиддин Отабоев Андижон тумани ИИБ ЙҲХХ бўлимига етиб борган ва йўқолиб қолган машинасини сўраб
суриштира бошлаган. Ходимлар зудлик билан Андижон вилоят ИИБ ЙҲХХ бўлимига боғланиб, машина ўғирлангани ҳақида сигнал тушаётгани ҳақида хабар беришган. Вилоят бошқармасидан қисқагина суриштирувдан сўнг, навбатчига яна Ғозиев (ёки Рўзиев) деганларининг телефон рақамини беришган ва машина шу ходим томонидан “ўғирланган” эканлигини билдиришган. Ғозиев (ёки Рўзиев) деганлари телефонда ғазаб билан, қўрқоқ олдин мушт кўтарар қабилида бақирган: “Муттаҳамлик қилишни мен уларга кўрсатиб қўяман!..” Машина эгасига ҳозирча қайтарилгани йўқ.