Нега "Ўзбекистон ҳаво йўллари" дунёдаги энг ёмон авиакомпаниялар рўйхатига киритилди?

АҚШнинг Bussiness Insider тадқиқотлар сайти дунёнинг энг ёмон авиакомпаниялари рейтингини тузиб чиқди. Бунда компанияларнинг парвозлар хавфсизлиги, парвоздан олдин рўйхатга оиш тизими, бортда йўловчилар учун яратилган шароитлар ва стюардессаларнинг муомаласи ҳисобга олинган. 

 

Ачинарли томони Нью-Йорк рейтингида «Ўзбекистон ҳаво йўллари» МАК ҳам қайд этилган бўлиб, компаниямизга 100 баллик шкалада бор-йўғи, 37,5 балл берилган. Бу энг ёмон авиакомпаниялар 20талигида тўртинчи ўрин дегани. Салбий кўрсаткичлар бўйича Туркманистон, Судан ва Украина авиакомпаниялари дастлабки учта ўринни эгаллашган. 

 

Асосан, эконом класс йўловчилари учун яратилган қулайликлар ва Skytrax сайтида қолдирилган фикрлар асосида тузилган ушбу рейтингни адолатли тузилган, дейиш қийин албатта. Чунки, "Ўзбекистон ҳаво йўллари" кейинги йилларда катта ютуқларга эришаётган ва ривожланаётган компаниялари бири саналади. Рейтингда компаниямиз стюардессалари ва экипаж аъзолари касбий маҳоратига ҳамда кўрсатиладиган хизматларга атиги 1 балл қўйилгани ҳам мантиққа тўғри келмайди. 

 

Bussiness Insider маълумотларига кўра, 1992 йилдан буён «Ўзбекистон хаво йўллари»нинг  3та самолёти ҳалокатга учраган ва оқибатда 54 киши қурбон бўлган.

Bussiness Insider рейтинги бўйича дунёдаги энг ёмон авиакомпаниялар:

1. "Turkmenistan Airlines" (Туркманистан);

2. "Sudan Airways" (Судан);

3. "Ukraine International Airlines" (Украина);

4. "Uzbekistan Airways" (Ўзбекистон);

5. "Air Koryo" (КХДР);

6. "Bulgaria Air" (Болгария);

7. "Rossiya Airlines" (Россия);

8. "Iceland Express" (Исландия);

9. "Tajik Air" (Тожикистон);

10. "Syrian Air" (Сурия).

Биз ушбу рейтинг ҳақида компания вакилларининг муносабати билан қизиқиб кўрамиз. Бизни кузатишда давом этинг.