Миссисипи штати парламенти орадан 148 йил ўтиб, қулликни тақиқлаш бўйича АҚШ конституциясига киритилган 13-тузатишни ратификация қилди, мамлакат конституциясига ушбу тузатиш 1865 йилда киритилган эди.
Хабар беришларича, тузатишни ратификация қилиш тўғрисидаги қарор режиссёр Стивен Спилбергнинг «Линкольн» фильми томошасидан илҳомланиб қабул қилинган. Миссисипи университети тиббиёт маркази профессори Ранжан Батра, ўтган йили ушбу фильмни томоша қилганидан сўнг, тузатиш бўйича
овоз бериш якунларидан сўнг нима бўлганини аниқлашга қарор қилган.
Маълум бўлишича, Миссисипи штати дастлаб қулликни бекор қилиш тўғрисидаги тузатишга қарши чиққан, бироқ штатнинг қонунчилик йиғилиши 1995 йилда ушбу тузатишни маъқуллаб овоз берган. Тузатиш штат қонунчилик йиғилишининг иккала палатасида кўриб чиқилганига қарамай, федерал регистрга жўнатилмаган, ўз-ўзидан, ратификация тўғрисидаги қарор кучга кирмаган.
Шу муносабат билан, Батра штата котиби Дэлберт Хоузмэнн билан алоқаси бўлган бошқа бир миссисипилик – Кен Салливан билан гаплашган. Хоузмэннинг маъмурияти ушбу хатоликни тузатишга рози бўлган ва 30 январь куни ҳужжатларни регистрга жўнатган. Бунинг натижасида, Миссисипи тузатишни 2013 йилнинг 7 февраль куни расман ратификация қилди.
Шундай қилиб, Миссисипи конситуцияга киритилган 13-тузатишни ратификация қилган АҚШнинг энг охирги штатига айланди. Бунгача эса, ушбу «унвон» Кентуккига тегишли эди – штат қонунчилик йиғилиши ушбу тузатишни 1976 йилда ратификация қилган эди.
Комментариев нет:
Отправить комментарий