Apple 2013 йилнинг январь ойида ўзининг Хитойдаги маҳсулот етказиб берувчиларидан бири – Guangdong Real Faith Pingzhou Electronics билан ҳамкорликни бекор қилди. iPhone ва iPad ишлаб чиқарувчи компаниянинг расмий ҳисоботида ёзилишича Apple текшируви маҳсулот етказиб берувчининг фабрикаларида болалар меҳнатидан фойдаланилаётганини аниқлаган.
Apple 16 ёшга тўлмаган ўсмирларнинг меҳнатидан фойдаланилган 74та ҳолатни аниқлаган. Пресс-релизда алоҳида қайд этилишича, Guangdong Real Faith Pingzhou Electronics иқтисодиётнинг турли соҳаларида фаолияти олиб борадиган кўплаб компаниялар учун компонентлар ишлаб чиқаради.
Хитой компанияси болалар меҳнатидан фойдаланаётганини аниқлаганидан сўнг, iPhone ишлаб чиқарувчи компания бу болалар қандай қилиб фабрикага келиб қолганини аниқлаш бўйича суриштирув бошлаган. Маълум бўлишича, болаларни ишга жойлаштириш билан минтақадаги энг йирик рекрутинг агентликларидан бири – Shenzhen Quanshun Human Resources шуғулланган. Apple агентлик устидан маҳаллий маъмуриятга шикоят қилган, шундан сўнг агентлик жаримага тортилиб, лицензияси фаолияти тўхтатилган.
Apple’ни бир неча бор, унинг маҳсулот етказиб берувчилари болалар меҳнатидан фойдаланиши, корхоналардаги иш шароитлари эса қонунчилик талабларига жавоб бермаслиги устидан, танқид қилишган. Хусусан, Apple’нинг энг асосий маҳсулот етказиб берувчиларидан бири ҳисобланган Foxconn Technology Group фабрикаларидан бирида содир бўлган ўз жонига қасд қилиш воқеаси ката шов-шувларга сабаб бўлганди.
2011 йили Apple Адолатли меҳнат уюшмаси (FLA)га аъзо бўлган ва шундан кейин ўз маҳсулот етказиб берувчиларининг ишини эътиборлироқ бўлиб кузатишни бошлаган. Қайд этиш жоиз, маҳсулот етказиб берувчиларни назорат қилиш тўғрисидаги ҳисоботларни компания 2007 йилдан бери эълон қилиб келади.
2012 йилда Apple вакиллари ишлаб чиқариш қувватларининг бир қисмини Хитойдан АҚШга кўчириш учун юз миллион доллар сарфлашларини маълум қилишганди. Ҳозирги кунда Қўшма Штатларда Apple маҳсулотлари ишлаб чиқарилмайди.
Комментариев нет:
Отправить комментарий