Андижон вокеаларининг 8-йиллиги муносабати билан ....

Эшитмадим деманглар, 
Маликалар, башанглар, 
Сиз, эй, аҳли гаранглар - 
Анжанда қатлиом бўлди.

Президент буйруқларидан,
"Калашников" ўқларидан
Халқ ўқ еб қуйруқларидан - 

Анжанда қатлиом бўлди.

Подшо элни англамади, 

Арзи додин тингламади,
Одил йўлни танламади -
Анжанда қатлиом бўлди.

"БеТеЭр" ларни сайратди,
Ёшу қарини қийратди,
Отди, отди, ёмон отди -
Анжанда қатлиом бўлди.

Кўча оралаб отдилар,
Парча парчалаб отдилар,
Ит бўлиб, талаб отдилар -
Анжанда қатлиом бўлди.

Кўчада ўлди болалар,
Мисли қип-қизил лолалар,
Қичқирди қақшаб оналар -
Анжанда қатлиом бўлди.

Изғиб юриб маҳаллани,
Тутдай тўкдилар оммани,
Эркаку аёл - ҳаммани -
Анжанда қатлиом бўлди.

Қўлда ёш боласи билан,
Ҳатто ҳомиласи билан,
Жон берди ноласи билан -
Анжанда қатлиом бўлди.

Қатли омни кимлар қилди,
Уни бугун олам билди.
Олам ғазабларга тўлди -
Анжанда қатлиом бўлди.

Отаси йўқ ғар авлодлар,
Кўчада туғилган зотлар,
Халқни отди шу жаллодлар –
Анжанда қатлиом бўлди.

Валадзинодир отганлар,
Онаси ила ётганлар,
Ўз нажасига ботганлар -
Анжанда қатлиом бўлди.

Подшони имтиҳон қилдик,
Террорчи кимлигин билдик,
Қаҳру нафратлара тўлдик -
Анжанда қатлиом бўлди.

Ўзбек ухлаб ётаверар,
Қўрқувлара ботаверар,
Диктаторлар отаверар -
Анжанда қатлиом бўлди.

Дадахон Хасан