Ўзбекистонлик ёш ва иқтидорли ижрочи Сардор Ишмухамедов шу кунларда Белорусда бўлиб ўтган «Витебск—2013» эстрада қўшиғи ижрочилари Халқаро танловида иштирок этиб, фаҳрли диплом билан тақдирланди.
Қўшиқчи ўзбек миллий куйини юксак маҳорат билан ва таъсирли қилиб куйлагани кўпчилик мусиқа шайдоларига хуш келди, деб ёзади farishta.uz.
«Славянский базар» деб номланган санъат байрами доирасида анъанавий тарзда ўтказиладиган «Витебск—2013» танловида бу йили дунёнинг 21 та давлатидан келган мусиқачилар иштирок этди. Танлов ҳайъати бу йилги ижроларнинг профессионал даражаси
ўтган йилга нисбатан юқори даражада бўлганини таъкидлади.
Танловнинг биринчи куни Сардор Ишмухамедов саҳнада «Ҳай ёр-ёр» қўшиғи билан иштирок этди. Тошкентлик дизайнер Саида Амирнинг миллий либослари Сардорнинг чиқишига қўшимча чирой ва шарқона безаклар берди. Концерт дастурлари жуда қизиқарли ва ранг-баранг бўлди, шунингдек, ҳакамлар ҳайъати бунга юқори баҳо берди
Комментариев нет:
Отправить комментарий