Ойша РАҲМОН қизи: КИМНИНГ БОЛАСИ ЎҚИЙДИ?
Албатта, пули борнинг боласи ўқийди.
Яқинда Ўзбекистонда Олий ўқув юртларида шартнома асосида ўқийдиган талабалар бир йилга қанча шартнома пули тўлаши ҳақидаги маьлумотлар эьлон қилинди.
Унга кўра,шартнома пуллари 4 миллион 600 минг сўмдан 7 миллион 420 минг сўмгача белгиланган. Мутахассисликлар бўйича тўловлар ҳар-ҳил.
Дейлик,болангиз Шарқ филологиясига,роман-герман филологиясига,журналистика ва информатикага,қурилиш,хизмат кўрсатиш,транспорт соҳаларига ўқишга кирган бўлса, 5 миллион сўм йилиги шартнома пулини тўлашига тўғри келади.
Санъат,архитектура суоҳалари эса, 5 миллион 400 минг сўм,иқтисод ва бизнес,соғлиқни сақлаш мутахассисликлари эса,6 миллиондан ортиқ. Халқаро алоқалар,Халқаро иқтисодиёт ва
Ҳуқуқшунослик учун йилига 6 миллион 750 минг сўм тўлашлари шарт. Йўқса,не машаққатлар билан шартномага илинган талабага ўқиш ман этилади.
Энди ҳаётдан келиб чиқиб,аҳолининг тирикчилиги,яшаш корзинаси, ойлик маоши,топадиган пулидан келиб чиқсак,дейлик хокимликда,маьмурий ва назорт органларида ишлайдиган одамнинг омади бор.
Чунки,у ойлик маошга қараб ўтирмайди-да,текшириш,ўрганиш баҳонасида қўшимча маблағ,яъни,пора топиш имкони бор. Шуни ҳисобига боласини ўқитади.Энди,мисол учун,танишимнинг бир қизи,бир ўғли бор. Қизи коллежни битириб,Тошкентга журналистика йўналишига ўқишга кирди,албатта шартномага.
Отаси йўқ,биттагина онаси 500 минг сўмга ишлайди. Еб-ичиш,кийиниш,боласининг боғчасига,унга тўла,бунга тўладан ташқри 100 минг сўм пул тўлайди. Қолган 400 минг сўм қизининг контрактига етадими ёки тирикчиликка,деган савол ҳозирда кўндаланг бўлиб,онанинг боши қотган.
Бунда мисоллар қалашиб ётибди.
Бундай ҳолда боласини шартнома асосида ўқита олмаган ота-онадан бола бир умр норози бўлиши турган гап.
Айрим ёшлар оиласининг ҳолатини тушунса,айримлари умуман тан олмайди. –Нега бой ўртоғим ўқийди,машина минади,турли туман кийинади,мени ундан нимам кам,битта иснонмиз,–дея ҳаётдан кўнгли совийди.
Аламзада бўлиб қолади. Ёмон йўлларга,жиноят кўчасига кириб кетади. Шу тариқа битта иқтидорли,ўқиса юртни бошқарадиган кадр ўз ўзидан йўқолади.
Аслида,ҳукуматга,бугунги бошқарувга шу керак шекилли. Йўқса,сиртқи бўлимларни тугатиб,ўқишни хоҳлаган инсонларни бу даражага олиб келиб қўймаган бўларди.
Бу нотўғри сиёсатнинг акси бугун қишлоқлардаги мактабларда,касалхоналарда,қурилиш,сервиз хизматида,қишлоқ хўжалигида,маҳалла фуқаролар йиғинига раис қўйишда кўринябди.
Бутун маҳаллада саноқли олий маьлумотли одам бор. Улар ҳам шаҳарга интилади. Малакали ўқитувчилар,шифокорларнинг етишмовчилиги аллақачон сезилмоқда.
Туризм соҳасини ривожлантириш ҳақида сўз боради,аммо уни ташкил қиладиган мутахассиснинг ўзи йўқ.
Чет элни мақтаб,оғзимизни суви келиб ўтирибмиз. Аҳвол шу тариқа кетса,ҳукумат хоҳлагандек,саводсиз,ҳақ-ҳуқуқини тушунмайдиган,талаб ҳам қилмайдиган,буюрилган ишни тирикчилик,озгинагина маош учун қиладиган шахслар шакилланиб бораверади.
Ҳозирги ҳукумат аслида шуни хоҳлаётган кўринади.
Ойша РАҲМОН қизи
“Бирдамлик” Халқ Демократик Ҳаракати
Ўзбекистон бўлими фаоли
Комментариев нет:
Отправить комментарий