Матиз Муороо булсиииииииииин

Куни кеча пойтахтимизнинг “Туркистон” саройида “Ҳамшира – 2013” республика кўрик-танловининг якуний босқичи бўлиб ўтди.

Якуний босқичда Қорақалпоғистон Республикаси, Тошкент шаҳри ва вилоятларда биринчи ўринни қўлга киритган 14 нафар ҳамшира иштирок этди.

Танлов якунларига кўра мутлоқ ғолибликни Тошкент шаҳар 5-клиник шифохонасининг жарроҳлик бўлими ҳамшираси Дилноза Абдиева қўлга киритди ва Тошкент шаҳар ҳокимлигининг “Матиз” автомашинаси билан тақдирланди.

Иккинчи ўринни Республика шошилинч тиббий ёрдам илмий марказининг Фарғона вилоят филиали педиатрия бўлими ҳамшираси Мавлудахон Ҳасанова, учинчи поғонани эса Самарқанд вилояти кўп тармоқли тиббиёт марказининг ревматология бўлими ҳамшираси Сарвиноз Турсунова эгаллади.

“Ҳамшира – 2013” республика кўрик-танловини ўтказишдан кўзланган мақсад ўрта тиббиёт ходимларининг билим ва тажрибаларини янада бойитиш, ҳамширалик ишида эришилаётган улкан ютуқ ва илғор тажрибани оммалаштириш, изланувчан, ижодкор, ташаббускор ҳамшираларнинг истеъдодини намоён этишига кўмаклашишдан иборатдир.