Замондош архивидан...

НЕГА ДЎСТИМ ЎЛМАДИ, КАРИМОВ ҲАМ "КЕТМАДИ" 
АММО ҒАРИБУ БЕЧОРА ҚОРИ ИШКАМБА ЎЛДИ-Ю КЕТДИ???

Дўстим жуда меҳрибон ва ажойиб йигит!

Гапларига тан беришдан бошқа ҳеч ҳам илож бўлмайди. Кунлар шу зайилда ўтиб бораркан мен унинг жонига қаст қилмоқчи яъни уни ўлдириб, бу дунёдан йўқотмоқчи бўлдим.

Бунга унинг Каримовни доимий, сурункали тарзда ёмонлаши сабаб бўлганди.

Нега энди бу дўстим менинг жонимга бу қадар тегдики, мен ушбу мусибат билан юзлашишимга тўғри келди?!

Унда эшитинг!

Нима бўлди-ю, дўстимиз Ортиқжон Оксфорд Университетини битириб дипломни қўлга олди-ю, ҳеч ким унинг каби ақлли эмаслигини ошкора ва баралла юзимизга сола бошлади.

Бир куни унинг "диплом ювди"сини ўтказдик. Албатта, пикникка чиққандик. Бир икки Ўзбекистонлик мардикор танишлардан гарчи Ортиқ каби "ақлли" бўлмасаларда сира "ортиқча" бўлмаганлари учун ҳам чақиргандик. Улар қишлоқ мактабини аранг битиришган, ўқиш ва ёзишдан катта думалоқ (О) ноль эдиларки, биз уларни замондан орқага қолган кишилар дея прикол ҳам қилардик. Аслида эса, улар қўллари гул ҳунарли йигитлар эдиларки, улар учун бу дунёнинг қиймати ўз меҳнатларининг роҳати эди. Биз бечоралар эса Оксфорддан А4 формат катталикдаги ўроқлик дипломни олиш учун неча неча меҳнатларни қилган эдик. Бизлар ҳам ўз ишимизни севардик.

Дастурхонни ўт ўланлар устида ҳозирлаб турли неъматларни унинг устига уюб ташладик. Қизилидан ҳам оқидан ҳам бўлган напиткаларнинг бариси бор эди.

Давра ажойиб кетаётган эди , аммо бир мардикор дўстимизнинг гапи бўйича уни шахсан президентнинг ўзи кичиқ оқсаройчасига қабулга срочно чақирибдики, у шошилиб қолди ва "бумага" деб атрофни тита бошлади. Унга бумага топиб беришга ҳеч ким уннамади. Ўзи нимадир топтида кейин самолётга ўтириб буталар томонга "учиб" кетди.

Сиз туалет билан самолётнинг фарқини биласизми???

 Билмасангиз, билиб олинг!

Самолётга учиш учун ўтирилади.

Туалетга ўтириш учун училади.  

Мана энди бу дўстимиз, учиб ҳам, ўтириб ҳам олди. 

Кейин келиб чет элнинг қоғозлари жуда сирпанчиқ эканлигидан нолий бошлади...

Биламан кулишни бошладингиз. Ҳозирча қаттиқроқ кулиб юбормайлик. Бечора Ортиқжонни кўнглини бузмайлик. Барчанинг кайфияти аъло бўлган кунда қандайдир кичик нарсалар ҳақида бош қотирмайлик. Жимгина ўтиринг ва бу ерда нима содир бўлганини оғзингиздан гуллаб қўйманг!

Каное (инг.canoe) деган бир нарса бор. Ортиқжоннинг ҳоббиси. Бу ерда ҳам сувда бир "каное" маҳоратларини кўрсатиб бизларга мақтанмоқчи бўлдилар. Ўзлари сал чуқурроқ сувда сузолмайдилар-у, шу қайиқча билан бамисоли балиқ эканликларидан фахрланадилар. Майли, кўнглининг кўчасига қўтир жомашов!

Соҳилдан бир неча чақирим узоқликкача сузиб бордилар ва ортга қайтиш вақтида маҳоратлари етмадими балки, қайиқчанинг ичига сув кира бошлади. У эса  соҳилга томон чираниб суза бошлади. Сув қайиқни тобора тўлдириб борарди. Аниқ айтиш мумкин эдики, бизлар унга ёрдам бериш учун сувга тушган тақдирда ҳам вақтида етиб боролмасдик. Бир икки жасурроқлармиз кйим билан, бошқалари кийимсиз сувга отилдик.

У эса жон жаҳти билан қирғоқ томон суза бошлади. Сув деярли қайиқчани тўлдирди. У ўлим билан олишаётган эди. Сув қайиқчани мутлоқ эгаллади, у эса ҳануз эшкак билан сувга уринарди.

Ортиқбой бизлар сувга сузгандан кўра ичи тўла қайиқчалари билан илдам ҳаракат қилдилар ва гарчи сув ютиш оқибатида ичлари сувдан тўлган бўлсада жонлари асраб қолинди.

Барчамиз хурсандлигимиздан кула бошладик ва уни янгидан туғилгани билан табрикладик.

Ҳа, бугун қўшалоқ байрамим бўлди дея хурсанд бўлиб ҳар иккиласини бир қилиб "ювмоқ"чи бўлди.

Ҳозиргина ёнимизда бўлган диплом ер остига кириб кетганми, ҳеч қаерда йўқ эди.

Барчамиз диплом излашга тутиндик. Дипломдан эса асар ҳам кўринмасди.

Барчамиз бирдан яқинда президент қабулида бўлиб қайтган ошнамизга қараб саволларни бера бошладик.

Барчаси аниқ бўлди. 

Дўстимиз бу А4 форматли қоғозни диплом эканлигини билмаган. Ўзбекистонда диплом кўрган экан. Қаттиқ муловали ва китобча шаклида. Нима деяримизни билмай қолдик. Ҳа, Ортиқ дўстимиз иккала байрамни бир қилиб ўтказмоқда эди. Биринчиси қайта туғилган кунини, иккинчиси сувда авайлаб ахлатлардан тозалаётган дипломининг "диплом ювдисини" "нишонлаётганди". Бечора Ортиқнинг кўзларидан ёшлар қуйилиб келарди. Бу менинг ҳаётим дея такрорларди. Биз унга ҳаётингни бугун сенга худо қайтадан совға қилди. нега бу каби нарсаларга жон беряпсан дея кайфиятини кўтармоқчи бўлдик. Ақлли бола дарров тушуна қолди ва ўзини босиб олди.

Шу вақтда "оқсаройчи" дўстимизга телефон қўнғироғи бўлди. Бироз телефонда нималардир деб суҳбатлашгач, ранги оқариб, бўзариб ерга ўтириб қолди. Энди барча унга ёрдам беришга ошиқдик. Кимдир сув ташиган, кимдир уни елпиётган....

Тили калимага келмасдан бир аҳволда эди бечора.

Уни касалхонага кузатиб қўйишимизга тўғри келди.

Кейин билсак, барча мардикорларнинг пуллари унда сақланаркан, тасодифми ёки билмадим, унинг ишчилар хонасида жойлашган сейфини бузиб жуда катта миқдордаги пулни яъни 142 минг долларга яқин пулни  "угон" қилиб кетишган экан. У касалхонада на ўлиб на ўлмай даволанмоқда ҳозир.

Ортиқбойни ўлдирй демас, худо унга қайта ва қайта жон бағишламоқда. Баъзан ўлмас Кашшей бўлиб кет-а дея ҳазиллашаман.

"Оқсаройчи" ошнамиз эса пул дардида фалаж бўлиб деярли ўлиб қолди. Унга қараб кўнглим ачиб, қори ишкамба бўлиб кет-а деб қўяман.

Энди, севимли президентимизни оллоҳнинг ўзи асрайдиган бўлса ва унинг пулларини ҳеч ким ўғирлай олмаса, бироқ унинг ришагини пишт дейишга ботинолмаса, ундан пул олишдан кўра унга пулларни қалаштириб келтириб тулган бўлсалар.

У кишининг дипломлари А4 форматли бўлмаса, аниқроғи жонлари куймаса ҳам керак аслида Нархоздан пора билан олган дипломларига....

Бу инсон қандай қилиб йиғлаши мумкин?

Бу инсон қандай қилиб фалаж бўлиши мумкин?

Ҳа, албатта бу кишининг жонлари темирдан. Камида яна 70-80 йиллар давомида президент кубогини ҳеч кимга беришни ҳоҳламайдилар.

Балки, у кишини пикникка олиб чиқиб хом хаталаш овқатлардан бериб, устидан қайноқ обжўш ичирармиз?! 

"Оқсаройчага етиб боролмасалар, тозаланиш учун Ортиқбойнинг каноесида сувга тушишни таклиф қилармиз.?!

Ортиқ сузишни билмагани учун таслим бўлмасдан ҳаракат қилди.

Бу киши эса таслим бўлмаслик учун раҳбарлик қилаётганга ўхшайдилар....

Яна кимда қандай фикр бор???????

Мистер Қалампир. Испания 2012