Сўрғич сўрган ўғил бола катта бўлганида...

Кўпчилик ота-оналар сўрғич болаларнинг тинчланиши учун яхши ва безарар восита, деб ўйлайди. Бироқ Америкалик психологлар олиб борган тадқиқотлар сўрғичлар боланинг руҳий ривожланишига салбий таъсир кўрсатишини исботлади. АҚШ Висконсин-Мэдисон университети олимларининг фикрича, гўдаклар улғайиш жараёнида ташқи олам билан узвий алоқага киради ва улар катталарда кўрган барча ҳатти-ҳаркатларни кўчиришга ўтади. Аниқланишича, агар гўдакка, айниқса, ўғил болага сўрғич берилса, болада жилмайиш, хўмрайиш каби юз мушакларининг маъноли ҳаракатларини – имо-ишораларни амалга ошириш жараёни бузилади. Жаҳон соғлиқни сақлаш ташкилоти вакиллари ҳам сўрғичдан фойдаланиш вақтини қисқартириш лозимлигини тавсия этмоқда. Экспертларнинг айтишича, сўрғич сўриш қулоққа инфекция тушиш хавфини оширади, янги чиқаётган тишлар жойлашуви тартибини бузади. Сўрғични ташлаган болакайда кўкрак сути истеъмол қилиш фаолияти яхши ривожланади.