Яна тобут келди ўрис томондан,марҳум экан асли шаҳри Қўқондан
нолиблар кетдим-ей бундай замондан
энди мен дардимни кимга айтаман!
Фалак қандай тинглар она фарёдин!
камайиб бормоқда ўзбек зурёдим,
айтинг кимдан олай бунинг қасосин!!
энди мен дардимни кимга айтаман!
Сочларини юлиб йиғлар келинчак,
ёнида бир эмас икки беланчак ,
очилмай сўлдими ифорли чечак
энди мен дардимни кимга айтаман!
Чунонам йиғлади бағри кенг осмон,
оламни булутлар қилди зимистон,
қалбимни тирнади аламли армон,
энди мен дардимни кимга айтаман!?
Жаҳонабегим
Yana tobut keldi o'ris tomondan,
marhum ekan asli shahri Qo'qondan
noliblar ketdim-ey bunday zamondan
endi men dardimni kimga aytaman!
Falak qanday tinglar ona faryodin!
kamayib bormoqda o'zbek zuryodim,
ayting kimdan olay buning qasosin!!
endi men dardimni kimga aytaman!
Sochlarini yulib yig'lar kelinchak,
yonida bir emas ikki belanchak ,
ochilmay so'ldimi iforli chechak
endi men dardimni kimga aytaman,
Chunonam yigladi bagri keng osmon,
olamni bulutlar qildi zimiston
qalbimni tirnadi alamli armon,
endi men dardimni kimga aytaman.
Jahonabegim.
Комментариев нет:
Отправить комментарий