М. Мансур: Оёғи осмондан келса ёки оғзи эгри бўлса ҳам бойнинг ўғли...

    21-январ  хабарлари.    «Uzreport”  ахборот  агентлигини   хабар  беришича   Жаҳон  банки  баҳоларига  кўра   2012-йилда   Европа  ва   Марказий  Осиё   минтақасида  8,2% лик  иқтисодиётнинг  энг  юқори  ўсишини   Ўзбекистон  намойиш   этган.   Жахон  банкини   таькидлашича,  инқирозни  бошидан  ўтказаётган  Европа  давлатларида  бу  кўрсатгич  3%гача  камайган.  Нефть  баҳолари  юқори  бўлишига  қарамай  Россия   давлатининг  иқтисодий  ўсиш  суратлари  сезиларлик  равишда  пасайганлиги  хам  катта  ташвиш   билан  қайд  қилинмоқда.  

Бу  маълумотлар  эълон  қилиниши  билан  Россия  давлатида  меҳнат  муҳожирлигида  яшаётган  миллионлаб  Ўзбекистонликларнинг  асосий  қисми  республикага  қайтаётгани  кузатилмоқда.  Давлат  статистика  қумитаси  2013-йилда  Ўзбекистонга  45 мингдан  ортиқ   Россия  фуқароларини  вақтинча  ишлашга  келишини   башорат  қилмоқда.  


Х   Х   Х
        20-январ  куни  Оқ  уйда  қайта  сайланган  АҚШ  президенти  Барак  Обама  инаугурация  маросимида   қасамёд  келтирган.  Тадбирда  президентнинг  рафиқаси  Мишель  Обама,  2та  қизи Саша  ва  Малия  Обамалар  қатнашишган.  Тантанали  маросимга  бошқа   президент  томонидан  унинг   2та  қизи  Гулнора  ва  Лолалар   таклиф  қилинмаганликлари   хақида  юборган   эътирозли  телеграммаси  бироз  доғ  туширганини  оммавий  ахборот  воситалари  қайд  қилишган.
Х    Х   Х
      Ўзбекистонда  энг  йирик  молиявий   ташкилот   бўлган   Фонд  Форум   кенгаши   раиси  Г.Каримова   январ   ойи  охириги   кунларида   Швейцариянинг   Давос   шаҳрида  бўлиб  ўтадиган   жаҳон   молия   анжуманида   қатнаша  олмаслигини   билдирган.  Бу  хабарни   эшитган  анжуман   ташкилотчилари   Гулнора-хоним   иштирокидаги  мўлжалланган   18та  тадбирни  бекор   қилишидан  саросимага   тушиб   қолишган  деб  хабар  беради   “Тошкент   ҳақиқати”  газетаси.  

Хабарларни  кузатишда  давом  этамиз.  

2013-йил  21-январ  Тошкент  шахри  М,МАНСУР.