ИСМАТ АКАНИНГ САЙТИДАГИ "САМОУНИЖТОЖЕНИЕ" ПОМПАСИ (бомба демоқчийдик, узр)

Кеча (27 январ 2013 йил) барча дунё ўзбеклари бошига мисли кўрилмаган қайғу келди.

Бу вабодан ҳам даҳшатли қайғу эди.

Миллатимизнинг фидоий жонкуяри ва давлат арбоби ва бир неча латифалар эгаси Исмат Хушев сирли равишда ўз ишлаб турган жойидан йўқолиб қолди.

Изланишлар жараёнида у кишининг ўзга сайёра вакиллари томонидан иш жойларидан ҳеч кимга билдирмасдан "ўғирлаб кетилганликлари" кейинчалик маълум бўлди. 

Бунга ҳеч ким ишонмасада бир амаллаб дунё ўзбеклари сайтининг жонкуяри "Асадулла ЖЎРАЕВ"нинг баёнотига кўра ""Ҳамма ўзича ёмон кўрган, балки нафратланган, лекин асли ҳавас қилишимиз керак бўлган  инсон –ИСМАТ ХУШЕВ  йўқ. Мана энди тинч ўтира оласизларми? Мана энди шунчалар қалби бепаён одамни қайта топа оласизлами? ИСМАТ ХУШЕВ — йўқ. 

Бу инсонни ёки ўғирлаб кетишган, ёки аварияга учраган, ёки оиласида бошқа воқеалар юз берган…" каби хабар тарқатилди ва бу каби кучли маълумот барчани йиғлашга мажбур қилди. Бу кимларгадир кула кула кўзидан ёш чиққат бўлса ўз вақтида кимлардир ҳақиқатдан йиғлаб ҳам олишди.

Замондош сайтида эса бу ҳодисанинг асл ҳолати намоён бўлганлиги ҳақида Комил Йўлдош томонидан аниқланганлиги ҳақидаги ҳақиқатлар ошкор этилди.

Бугунки кунда бутун дунё ўзбекларининг устидан кулиш каби бемаъни қилиқлар Ўзбекистонда урчиб турган бу вақтда ватан ташқарисида ҳам бунинг давоми ўлароқ яна бир бор шу ҳодиса рўй берди.

Бу ерда барча ёшлигида эшитган ёлғончи чўпон эртагининг ўзи бўлди.

Барчанинг диққат марказида бўлишга интилган бир чўпон уйим ёнмоқда дея жар солади. Ёрдамга шошилган кишилар қарашсаки, чўпон буларни алдаган.

Кейинчалик ҳақиқатда уйи ёнган чўпон ҳарчанд ёрдамга чақирмасин, бирор киши унга ишонмайди.

Чунки яна калака қилиш учун ёлғон сўйламоқда дейдилар.

Исмат ака!

Айтаманку... Сизга гап йўқ!

Яна қанча ёлғонларингиз бор?

Барисини бир мартага ZIP га жойлаб қилиб айта қолмайсизми?

 Ҳар сафар бизларни аҳмоқ қилманг, илтимос!

Жонкуяр укангиз Мистер Қалампир.