Халқаро олимлар гуруҳи офтальмологик касалликларни даволаш бўйича янги ёндашувни ишлаб чиқишди – уларнинг клиникагача бўлган тадқиқотлари яхши натижалар кўрсатди. Бу ҳақда MedNovosti хабар бермоқда.
Ёндашув томирларнинг патологик ўсиши жараёнига жавобгар бўлган ген фаоллигини пасайтирадиган РНКнинг
кичик парчаларидан фойдаланишга асосланган. Journal of Clinical Investigation журналида чоп этилган илмий мақолага кўра, тадқиқотчилар томонидан қўлга киритилган маълумотлар кўрлик (кўзи ожизлик)нинг олдини олишга ёрдам беради.
Кўрликнинг кўплаб турлари, масалан, диабетик ретинопатия ва сариқ доғнинг дегенерацияси (макулодистрофия) кўз пардасида қон томирларининг аномал даражада кўпайиши (неоваскуляризация) билан боғлиқ. Кўз тўқималар кислород етишмовчилигини сезиши билан, организм сигнал оқсиллари ишлаб чиқарилади – бу эндотелий томирлари кўпайиши омили (vascular endothelial growth factor, ёки VEGF) бўлиб, у ангиогенезга – янги томирларнинг юзага келишига сабаб бўлади.
VEGF ва бошқа шунга ўхшаш сигнал молекулалари оқсиллари томирлар кўпайиши учун зарур бўлган Ras каби генлар экспрессиясини оширади. Кўплаб олимлар шунга асосланиб, агар ушбу жараён тўхатитилса, бу кўзи ожизликни даволашга ёрдам беради, деб ҳисоблашарди.
Бироқ Дэвид Череш (David Cheresh) ва Скриппс илмий-тадқиқот институтидаги ҳамкасблари томонидан ўтган йили ўтказилган тадқиқотлар VEGF соғлом кўришни таъминлашда муҳим роль ўйнашини ва ушбу оқсилни ишлаб чиқаришни тўхтатиш ёруғлик сезувчи ҳужайраларнинг ҳалок бўлиб, кўришни йўқотишга сабаб бўлиши мумкинлигини кўрсатди. Шу муносабат билан олимлар томирларнинг патологик кўпайишини тўхтатишнинг бошқа йўлларини қидиришга киришишган эди.
Каламушларда ўтказилган тажрибалар давомида олимлар микроРНК – геннинг фаоллиги ва экспрессиясини назорат қилувчи РНКнинг кичик парчалари – Ras гени фаоллигини йўқотиш билан неоваскуляризация жараёнини камайтиришда қўл келишини аниқлашди. Бу, микроРНКлар томирларнинг патологик кўпайишини тўхтатиб, айни вақтда кўзда нормал қон томирларини сақлаб қолиш имконини беришини билдиради.
Ҳозирги вақтда олимлар тадқиқотларни давом эттиришни, кейинчалик ушбу ёндашув бўйича клиник тажрибалар ўтказишни режалаштиришмоқда – бу антиангиоген даволаш воситаларининг янги синфини яратиш учун асос бўлиб хизмат қилиши мумкин.
Комментариев нет:
Отправить комментарий