Бугун “WhatsApp” ҳамда “Viber” мессенжерлари ҳамда ижтимоий тармоқларда "Билайн" уяли алоқа оператори лицензияси тўхтатилганлиги ҳақидаги миш-мишлар Ucell алоқа салонларида навбатларга сабаб бўлди.
Mezon.uz мухбири бўлган бир неча Ucell алоқа
салонларида фуқаролар навбатга туриб ушбу оператор SIM-карталарини бир нечтадан сотиб олаётганлигига гувоҳ бўлди. Ucell алоқа салонларидаги фуқаролар билан суҳбутлардан шу нарса маълум бўлдики, кўпчилик бугунги мишмишларнинг радъ этилганлигидан хабардор эмас.
Айни пайтда кишилар телефонлари орқали яқинларига ушбу янгиликни етказмоқдалар ва уларни ҳам Ucell компанияси SIM-карталарини олишга ундамоқдалар.
Ҳамид Олимжон кўчасидаги Ucell уяли алоқа оператори салони, соат 11.30 атрофида.
Эслатиб ўтамиз, бугун ўзбекистонлик WhatsApp хизматидан фойдаланувчилар "UNITEL" МЧЖ ("Билайн" савдо белгиси) лицензияси бекор қилинганлигиҳақида хабар ва SMSлар тарқаб кетди. Кейинчалик, бу хабарнинг ҳақиқатга зидлиги маълум бўлди. Хусусан, “Unitel”нинг жамоачилик билан алоқалар хизмати раҳбари Ўроз Абдураззоқов SMS ва “WhatsApp” ҳамда “Viber” мессенжерлари ёрдамида тарқатилаётган "Билайн" уяли алоқа оператори лицензияси тўхтатилганлиги ҳақидаги хабарлар ҳақиқатга зидлигинимаълум қилди. Унинг сўзларига кўра, айни пайтда компания одатий ҳолатда ишлашни давом эттирмоқда.
Шунингдек, Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси ҳам юқорида келтирилган миш-мишнинг ҳақиқатга зидлиги ҳақида расмий баёнот берди.
Mezon.uz ўқувчиларни ушбу масалага доир янги тафсилотлар билан таништириб боради.
Комментариев нет:
Отправить комментарий