Афсонавий BMW

 BMW компаниясига 95 йиллик юбилей.

 

Демак, бу компания тарихига оид қизиқарли фактларни чоп этишнинг айни вақти.

BMWнинг биринчи рекорди 1919 йилда қайд этилган. Франц Димер BMW мотори ўрнатилган самолётда 9760 метр баландликка кўтарилди. "Мен бундан ҳам юқорига чиқишим, 10 000 метрга ҳам кўтарилишим мумкин эди, кислородим тугаганлиги учунгина ортга қайтдим” – деганди рекордчи.

1919 йилда тузилган "Версал шартномаси”га кўра, Германияга мағлуб сифатида ҳар қандай ҳарбий самолётларни ишлаб чиқариш тақиқлаб қўйилди. Айнан шу чеклов таъсирида асосан ҳарбий самолётлар ишлаб чиқарувчи компания негизида BMW автомобиллари дунёга келди, деб айтиш мумкин.

BMWнинг ўзига хос белгиси 1933 йилда пайдо бўлди.

 Самолётларга мўлжалланган хомашё қолдиқ­ларидан компания ошхона мебеллари ҳам ишлаб чиқарган. 

BMW автомобил ишлаб чиқарувчи компания сифатида расман 1929 йилнинг 9 июлида қайд этилди. Компаниянинг BMW 3/15 DF3 Wartburg деб номланган дастлабки спорт автомобили икки йил давомида, 1929 йилдан1931 йилга қадар ишлаб чиқарилган.

Иккинчи жаҳон урушида BMW жуда кўп азият чекди. Дастлаб бомбалар остида қолган бўлса, кейинчалик иттифоқчилар бўлишиб олган ҳудудда қолиб кетди. Лекин шундай бўлсада, 1945 йилда Wartburg моделини сотувга чиқарди.

1961 йилда сотувга чиқарилган BMW 1500 Neu Serie моделидан кейин компания ишлари юриша бошлади. BMW дунёга спорт руҳиятидаги энг илғор автомобилларни етказиб бера бошлади.

BMWнинг Мюнхендаги бош офиси  тўрт цилиндрли двигателни эслатади.

BMW рамзидаги пропеллер компаниянинг фаолияти ўтмишда самолётлар билан боғлиқ бўлганлигини эслатади.

 

Ҳозирда BMW автомобилсозлик бўйича дунёнинг энг етакчи компанияларидан биридир. Бугунги кунда унинг кўп маҳсулотлари Германиядан ташқарида ишлаб чиқарилади ва сотилади.