Американинг «Johnson & Johnson» фармацевтика компанияси АҚШ тарихидаги энг катта жарималардан бирини тўлайдиган бўлди.
Фирма кучли таъсир қилувчи психотроп воситаларни ноқонуний реклама қилгани
учун икки миллиард доллардан кўп жарима пулини тўлаши керак, дея хабар беради “NY Times” нашри.
Америка ҳукумати 13 йилдан зиёд давом этган тергов ишларига якун ясади. 1999 йилда “Johnson & Johnson” компаниясига қарши болалар, кексалар ва пенсионерлар учун кучли таъсир қилувчи дориларни ноқонуний реклама қилганликдаги айблов илгари сурилганди. Фирма томонидан реклама қилинган препаратлар шизофрения, юрак етишмовчилиги ва турли руҳий касалликларнинг давоси сифатида кўрсатилган.
Бунинг учун фирмада ҳеч қандай ҳукуамат рухсатномаси бўлмаган. Бундан ташқари, “Johnson & Johnson” вакиллари шифокорлар ва фармацевтлар "Риспердал" ва бошқа дори воситаларини ўз беморларига қабул қилишни таклиф қилишлари учун уларга пора ҳам берган. Компания ёпилиб кетмаслиги учун катта миқдордаги жарима пулини тўлашга рози бўлди.
Комментариев нет:
Отправить комментарий