“Forbes” нашри томонидан 2013 йил учун тузилган дунёнинг энг нуфузли кишилари рейтингидан тўққиз нафар аёл ҳам ўрин олди. Унда биринчи ўрин Германия канцлери Ангела Меркелга берилди.
Айтиш жоизки, аёллар мазкур рўйхатнинг 12 фоизини эгаллаган. Уларни баҳолашда учта асосий омил ҳисобга олинди. Булар пул, ОАВда ёритилиш даражаси ва соҳага
кўрсатаётган таъсири.
Ангела Меркель кетма-кет тўртинчи бор ва тарихда саккизинчи марта аёллар рейтингига бошчилик қилмоқда. Ундан кейин Бразилия президенти Дилма Руссефни кўриш мумкин. У “Forbes”нинг олдинги рўйхатида иккинчи позицияда турган Хиллари Клинтонни суриб чиқарди.
Ҳиндистон Миллий конгрессининг етакчиси Соня Ганди энг нуфузли аёллар учталигига нуқта ясади. Ундан кейинги ўринда ХВЖнинг бошқарувчи директори Кристин Лагард келмоқда.
Рўйхатда кейинги позицияларни Жанубий Корея президенти Пак Кин Хе (52-ўрин), IBM бош директори Виржиния Рометти (56), Жаҳон соғлиқни сақлаш ташкилотининг бош директори Маргарет Чан (59), “New York Times” нашрининг бош муҳаррири Жилл Абрамсон (68) эгаллаган. Рейтингдаги охирги ўрин АҚШ Федерал захира тизимининг бошқарувчилар кенгаши раиси ўринбосари Жанет Йелленга (72) берилди.
Комментариев нет:
Отправить комментарий