Бунга Осиё тараққиёт банкининг 100 млн. долларлик кредити йўналтирилади.
2013 йил 15 ноябрда Ўзбекистон Республикаси Президентининг «Қишлоқ жойларда намунавий лойиҳалар бўйича якка тартибдаги уй-жойлар қурилишининг 2014 йил Дастури тўғрисида» қарори қабул қилинди. Унда 2014 йилда мамлакатда намунавий лойиҳалар
бўйича якка тартибда уй-жойлар қуришга доир режалар белгилаб берилган.
Хужжатга мувофиқ, келаси йилда Ўзбекистонда намунавий лойиҳалар бўйича якка тартибда 11 минг уй-жой, зарур ижтимоий инфраструктура объектлари, инженерлик-алоқа тармоқлари қуриб, фойдаланишга топширилади. Бу объектларни қуришга Осиё тараққиёт банки томонидан берилган кредитлар ҳисобидан 100 млн. АҚШ доллари йўналтирилади.
Шунингдек, хужжатда 2015 йил 1 январга қадар қишлоқ жойларда намунавий уй-жойлар қурилишида иштирок этувчи бирқатор корхона ва ташкилотлар учун солиқ ва божхона имтиёзлари белгилаб берилган.
Эслатиб ўтамиз, 2012 йилда Ўзбекистонда 10 мингдан зиёд намунавий уй-жойлар қурилган эди.
Комментариев нет:
Отправить комментарий